BEROALDO (1497)

Filippo Beroaldo, Philippi Beroaldi opuscola erudita; quo continentur... libellus De optimo statu, Bologna 1497

Virum sedentem fecit auribus pergrandibus praeditum protendentem manum ad calumniam propius accedentem. Circa hunc stabant duae mulieres. Ignorantia scilicet et Suspitio: ex alia parte pinxit calumniam imagine mulierculae venustioris: quae ardens et concitata quandam quasi rabiem et iram prae se ferens sinistra facem accensam tenebat: dextra adolescentem quempiam per capillos trahebat manus in caelum tendentem et deos obtestantem. Praecedebat calumniam vir squallidus et deformis clarissime cernens: haec erat invidia. Duae puellae calumniam adornantes visebantur: altera erat insidia, altera fraus. A tergo sequebatur lugubris quaedam foemina pullis vestibus ac laceris induta et haec penitentia dicebatur: quae retro flexa cum luctu et verecundia aspiciebat ad venientem veritatem.