CRAPPIER (1551)

Luciano, "Calumniae non temere credendum", traduzione di Antoine Crappier, in La Diablerie d'Apelles, Lyon 1551

À main dextre est assis quelcun de grande apparence aiant des aureilles fort longues, pareilles, on pue s'en fait, a celles qu'on peint a Midas. Or voiait de loing s'approcher de luy Calomnie, il luy tend la main. Après deux femmes sont alentour de luy, l'une nomée Ignorance (que ie ne mente) et l'autre la nom Souspecon. D'autre part venoit Calomnie bravement acoustrée, monstrant à sa mine une affection remplie de grand courroux, comme estoit bon à voir à son visage, et à la contenance de son corps, car elle estoit comme a demi enragee, aiant son coeur sort enfle de cholère, en forte qu'a grand' peine savoit-elle, qu'elle devoit faire tant estoit perturbée laquelle tenoit en sa main senestre un falot allumé et flamboiant, et de la droite elle prend par cheveux un ieune filz tendant les mains au ciel, priant et reverent de grande affection l'asseurance at aide des Dieux Immortelz. Devant elle va un homme aiant la coleur fort palle, lequel donne semblant d'estre ord et salle, aiant la veue clere, et refuisante comme estincelles, toutesfois du tout semblable a ceux, lesquelz par quelque mal caduque deviennent tout secs, tellement que tu suspeconnerois facilement, que ce fut Envie voire, mais quelque nombres de femmes suyvoient Calomnie, luy faisant compagnie, desquelles l'office estoit d'encourager et inciter leur maistresse, de l'adiancer bravement, acoustrer et peigner. Or celuy qui donnoit à entendre les choses douteuses et obscures de la peinture: disoit que c'estoient Tromperie, Trahison et Deceptio ou Finesse. Deuil ou Penitence suivoit par derriere aiant en vestement de deuil de couleur noire, desronpue et descirée, laquelle avoit la Feste ployee en blasplourant amerement. Voiant venir de loing Verite, elle la receuillit, mais avec honte...